| Piva Piva l’oli d’uliva, gnaca gnaca l’oli che’l taca, l’è el bambin che porta i belée, l’è la mama che spend i danée |
| Ciapa el tram balurda, ciapel ti che mi sunt surda, trik e trak lasel andà, trik e trak lasel andà |
| Vegn chi Pinèla, damm la manina: ches chi l’è burlà in del foss, ches chi l’ha tirà su, ches chi l’ha sugà, ches chi l’ha fa la laciada, ches chi l’ha mangiada |
| Pom Pom pelaròm, pela fic, capitan di curnitt, capitan di suldà, induina ch l’è stà |
| Pin pin cavalin, va to l’acqua al funtanin, va to l’acqua a la funtana, pin pin Mariana, pan poss, pan fresch, mi invuvini che l’è propri quest |
| Zin zeta, furbeseta cinqu quatrin fala molà, salta foeura el soldarin, soldarin l’è drè a dinnà ciappa el legn e fal saltà, fal saltà in ona manera, el galet in capunera, l’omm de preia, l’omm de sass, el coin del remulass |
| La maestra piscinina, la m’inségna la dutrina, la m’insegna a lavurà, la maestra la me dà, la me dà cunt la bachéta, la maestra cinciapeta, la maestra cinciapina, la m’inségna la dutrina |
| Lumagha, lumaghin, cascia foeura i to curnin, lumagha lumaghon, cascia foeura i to curnun, che el to pà l’è andà in presôn, per una grana de furmentôn |
| Din dun campanun, cinch tùsann in d’un balcun, una la fila, l’altra la taja, un’altra la fa i capei de paja, l’altra la fa i capel de fiur, la pussé bela la fa l’amùr |
| A la matina quand sona i vott’ur, tucc i magutt se meten a cur, pesten i pé pesten i man, tucc i magutt van a to’l pan, pesten i man pesten i pé, tucc i magutt turnen indrée |
| 1, 2, 3 la Peppina l’ha fa el café, l’ha fa el café cunt la ciculata, la Peppina l’è mesa mata, mata mi, mata ti, la mia gata la voeur morì, lassa che la moeura, farem la cassa d’ora, d’ora dorenta, farem la cassa argenta, farem la cassa paja, paja, pajona, bruta vegia polentòna. |
| Caterina di curai, leva su che canten i gai, canten i gai e la gaina, leva su che l’è matina, l’è matina matinàa, leva su che l’è fiocà, l’è fiocà lasù in muntagna, viva viva el re de Spagna, re de Spagna imperadur, viva viva el sciur dutur, sciur dutur de la marcinéta, l’ha sparà cunt la sciupeta, la sciupeta l’è sparada, Caterina l’è spusada |
| Santa Clara, Santa Clara, imprestemm la vostra scala, per andà in paradis, a truvà San Diunis, San Diunis l’è bel e mort, ghe nisun a fagh el cor, la Madona la piangeva, San Giusepp el suspirava, San Luis in genugiun, o che bela devuziun, chi la sa e chi la dis, andarà su in paradis |
| Sciur Benedet, vegn foeura dal sachet, el sachet l’è descusì, vegn foeura dal baril, el baril l’è pien de vin, tutt i donn a caval dell’asnin, e l’asnin el petterava, tutt i donn che caragnava |
| Lunedì l’è nasù el Pepin, Martedì ghan da el lacin, Merculdì l’ha cumincià a sta in pe, Giuvedì l’ha tolt miè, Venerdì l’è sta malà, Sabet l’è mort, Dumenica ghan fa el cor |
| Quand te vet a gratà i rav, ma ghe el paisan cunt la camisa a macc, sta giò quacc quacc, quand te vedet che’l paisan ghe pù, ciapa i rav e strepili su |
| Facia de cü de can de cacia, l’è pusée bel el me cü dela tua facia |
